هروب

#هروب
قافل تليفونه م الفترة
ومحدش عارف يوصله
الواد كان هارب ل مدينة
وسايب اصحابه واهله
الام بتموت م الوجع



سايب رسالة علي مكتبه
بيطمن امه وكاتبلها
متخفيش ابنك جدع
ابنك كبر ابن عقل
ابنك قادر ع الالم
واكيد هشوفك و احضنك
و تقوليلى اقصر شوية
ف ارد اقول انتى اطولى
واكيد هعيش يوم معاكى
وارجع م الشغل نعسان
وتقوليل تعال كل
ارد واقول انا شبعان
ف تزعلى منى
ف اكل غصب عنى
عشان ارضيكى وتبقى تمام
واسهر ف عز تعبى
وتزعقى وتقولى يا واد نام
صحيح ياما
ابويا عامل ايه
فرحان ف البعد طبعآ
لسه بيقول انى فاشل ?
واني مش هنجح ف حاجه
لسه بيقول اني عيل ?
وانى عمري ما هبقي راجل
لو حصلي حاجه ياما
قوليلو اني بحبه
رغم كل شئ حصلى
انه شبهى وانا شبهه