الحلقة الاولي تدابير القدر

#الحلقة_الاول
كريم....مثقف,بيحب يشتغل ....اكتر فترة بيحبها بليل بيحب يفكر فى حبيبته اللى لسة ماجتش
بيقكر هتيجى ولا مفيش بنت بالشخصية اللى عايزها .... كريم من الطبقة المتوسطة ،يعنى حاله المدى متوسط بيحب البساطة بيحب الهزار والضحك فى اللمة ،كريم ... شخصية محترمة وبيحب الشعر وأكبر واحد فى اخواته
أميرة....محترمة جدآآ ....مثقفه ...بتحب الشعر ..وبتألفه...أميرة راسمة فتى احلامها ومؤمنه جدآ بنصيبها ....بتحب الهدوء ...ومخلصة جدآ لصحابها ... بتحب الشكولاته وغزل البنات والورد ودول نقطة ضعفها ....أميرة مهما كبرت ...بالحاجات دى بتحس انها طفلة صغيرة
( مكالمة هاتفية )


حسن : السلام عليكم
كريم : وعليكم السلام .. ازيك يا حسن
حسن : تمام يا كيمو الحمدلله انت عامل ايه
كريم : انا تومام الحمدلله grin رمز تعبيري
حسن : تومام !!!اقول ايه بقى تعليم مجانى D:
كريم : شكرآ ياسطى
حسن : ياسطى ايه ياكيمو انا سايق توكتوك احبيبى grin رمز تعبيري
كريم : معلش بقى ده تأثير الصحيان بدرى استحمل بقى مش انت اللى صاحتنى من احلى نومة
حسن : ماشى يا كيمو ,بقولك ياسطى
كريم : نعم
حسن : فوق كدة وحياتك واغسل وشك و... ولااا الساعة كام ؟؟
كريم : 9 :30 ليه ؟؟
حسن : يلهووووى على الزهايمر بتاع الصبح ده ... خلص عايزين نبتدى اليوم ب نشاط وتفائل
كريم : ايوة ماهو يوم خطوبتك بقى ياعم ... وعاملى فيها سوما العاشق يابختك ياسطى D:
حسن : نق بقى ياعم نق
بقولك يا كيمو اقفل دلوقتى علشان ياسمين بتتص
كريم : ماشى سلام
حسن : سلام
حسن .... شخصية محترمة .... بيحب يهزر ... اقرب صديق لكريم
فضل يحب واحدة سناتين وجت السنة التالتة واعترفلها ودارت احداث ..... وفى اليوم دة هو وهى هيلبسو الدبل
( مكالمة هاتفية )
حسن : عروستى عاملة ايه ؟
ياسمين : الحمدلله انت عامل ايه
حسن : بـ ....
ياسمين : بلدى grin رمز تعبيري
حسن : ايه اللى بلدى
حسن : يابوى على غلاستك ... بس عسل بردك اعمل ايه kiki رمز تعبيري
ياسمين : ماما بتنادى .. انا هقفل بقى علشان اجهز معاها الحاجات وانت يلا علشان لسة وراك حاجات كتير تعملها
حسن : ماشى ... يلا سلومة
ياسمين : سلومة
ياسمين .... هى صديقة أميرة من الطفولة واكتر من اخت ليها وهى خطيبة حسن وهى نفس صفاته بالظبط وهما الاتنين بيشبهوا بعض ....
( بعد ما خلصت كل حاجه فى البيت )
( مكالمة هاتفية )
أميرة : ايه يا بنتى حد يوصل الكوافير قبل العروسة
ياسمين : معلش كنت بعمل حاجات انا جايه فى السكة اهو شارع واكون عندك
أميرة : ماشى سلام
ياسمين : سلام
( مكالمة هاتفية )
كريم : يابنى الحلاق كلمنى اتأخرت ليه ... انا تحت البيت
حسن : انا نازل اهو ... سلام
( فى العربية )
كريم : ايه يا عم اتأخرت ليه
حسن : معلش ياسطى انت عارف عقبال ماجهزت وكلمت ياسمين وكدة
كريم : اه ... وهى فين دلوقتى
حسن : لسة مكلمها وانا نازل قالتلى ان هى فـ الكوافير
كريم : تمام
( فى الكوافير )
ياسمين : ايه رأيك يا ميرو
أميرة : عسل يا سو طول عمرك ^^
ياسمين : انتى اللى عسل يا ميرو عقبالك يابت grin رمز تعبيري
أميرة : لا .... ده يبقى ممته داعيه عليه
ياسمين : هههههههههههههه الله يكون فى عونه اللى هيتجوزك
أميرة : ههههههههههههههههه
الكوافيرة : خلاص كدة يا قمر
ياسمين : تمام ... هتصل بيه
وصل حسن و أخد ياسمين للاستديو
( فى الاستوديو )
المصور : تمام كدة ... عايزين صورة مع صحابكو
ياسمين : تعالى يا أميرة ، تعال يا كريم
والمصور يصور ....
[يمكن تكون طلعت احلى صورة من الصور علشان بتكون فيها لمه ومن ناس بنحبهم وفى مناسبة حلوة وبتكون الضحكة على كل بوء كل واحد ..كفاية بس الضحكة فى الصورة بتخليها تطلع احلى واجمل kiki رمز تعبيري ]
يخلصو تصوير .... ويروحو على القاعة
] ويدخلو القاعة ... وابتسامة من الناس ودعوة من كل واحد وواحدة ان ربنا يخليهم لبعض كل واحد فينا بيتبسط لمة يسمع دعوة حلوة سوى كانت ربنا يحفظك , تخيل كدة لو الناس تدعيلك باللى بتحبه انه يبقى معاك ، اهى دى كفيلة بأن تخليك سعيد طول اليوم ]
حسن بيلبس لياسمين الخاتم ..
وأميرة بتفكر ان فتى احلامها فعلآ ممكن يجى و يلبسها الشبكة
وكريم بيبص للشبكة ويقول : امتى اجيبها للفقرية اللى مش عايزة تجى دى grin رمز تعبيري
أميرة ... سمعته وضحكت لاكن ماشفتهوش grin رمز تعبيري
( بعد انتهاء الخطوبة )
كريم اللى كان مسئول على العربيات فى اليوم دة
وصل ياسمين على بيت اهلها
( فى العربية )
حسن : بص انا هطلع اقعد مع عمى وياسمين واهلها وكدة عقبال ما انت توصل أميرة
كريم : أميرة مين
حسن : صاحبة ياسمين
كريم : ماشى
ياسمين : أميرة ... كريم هيوصلك
أميرة : كريم مين ... لا انا هركب اى حاجة توصلنى
ياسمين : يابت ماتقلقيش ... هو انا هاسيبك مع اى حد بردو ولا ايه ماتقلقيش دة كريم صاحب حسن ... جدع ومحترم .
أميرة : ماشى سلام
ياسمين : سلام
رأيكم يهمنى
تابعونا فى الحلقة التانية
#تدابير_القدر
#علياء_مجدى